टच समाचारदाता
सिटिजन लाइफ इन्स्योरेन्सको बर्दिवास कार्यालयले लाभग्राही बढाउन अभिकर्तालाई स्किम बितरण गरेको छ । अभिकर्ताले लाभग्राही बढाएकै कारण सिटिजनको शाखा निकै अब्बल बन्दै गएका कारण थप प्रोत्साहनका लागि असार र साउनमा उत्कृष्ट काम गर्ने अभिकर्तालाइ स्किम बितरण गरेको शाखा प्रमुख रोहित भट्टराईले बताए ।
सिटिजन शाखा बर्दिवासका अनुसार दुई महिनाको स्किम पाउनेमा १२ जना अभिकर्ता रहेका छन ।
स्किम पाउने अभिकर्ताले ल्यापटप झोला,डिनरसेट,फ्राइपेन,टिसर्ट,राइसकुकर लगायतका सामाग्री र नगद रकम समेत प्राप्त गर्न सफल भएका भट्टराईले बताए ।
शाखाले अभिकर्तालाई जीवन बिमा सम्बन्धि आवश्यक ज्ञान,बिमाको महत्त्व र लाभग्राही जोड्न किन आवश्यक छ भनी बुझाएकै कारण अभिकर्ता मेहेनत गरेको आधारमा स्किम मात्रै नभई मनग्य आम्दानी समेत गर्न सफल भएका एजेन्सी मेनेजर गायत्री देवी चौलागाईंले बताइन् ।

गतवर्ष आफ्नो समुहबाट ४२ लाखको प्रीमियर बुझाएर चौलागाईं मेनेजर बनेकी थिइन ।
अहिलेसम्म सिटिजन लाइफ इन्स्योरेन्स कम्पनिलाइ सफल बनाउन अभिकर्ताको महत्त्वपूर्ण भुमिका रहेको भन्दै कम्पनीका प्रदेश प्रमुख सरोज दाहालले थप जुझारु मानिस कम्पनी मा जोड्दै अघि बढ्ने तयारी रहेको बताए । नयाँ टिम र जुझारु मानिसको मेहनतले प्रदेशमै सिटिजनलाइ अग्रपंक्तिको संस्थाको रुपमा स्थापित गर्न सहज हुने उनले बताए । कुनै समय अभिकर्ता भएर सकृय नभएका ब्यक्तिले समेत हाल सक्रिय हुने चासो राखि सिटिजनमा जोडिएर काम सुरु गरेकाले संस्थाको प्रगति संगै आकर्षक पनि बढ्दो रहेको दाहालले बताए ।