जीवनराज दाहाल (बर्दिबास) – महोत्तरीको बर्दिबास बोर्डिङ स्कुलले नुवाकोट लगायत विभिन्न क्षेत्रमा आएको भीषण बाढीबाट प्रभावित परिवारहरूको सहयोगका लागि राहत अभियान सञ्चालन गरी रु. १ लाख २ हजार संकलन गरेको छ ।

विद्यालयले संकलित रकममध्ये रु. ५१ हजार प्रधानमन्त्री राहत कोषमा प्रदान गरेको जनाएको छ भने बाँकी रु. ५१ हजार बराबरको कपडा, चप्पल, टर्च, बाल्टिन लगायतका राहत सामग्री नुवाकोटको विदुर नगरपालिकाका बाढीपीडितलाई वितरण गरिएको छ ।

विद्यार्थी, शिक्षक तथा विद्यालय परिवारको सहभागितामा सञ्चालन गरिएको उक्त सहयोग अभियानमार्फत विपद्मा परेका परिवारलाई केही राहत पुग्ने विश्वास गरिएको विद्यालयले जनाएको छ । विद्यालयले आगामी दिनमा पनि मानवीय सेवाका कार्यमा सहयोग र साथ निरन्तर रहने प्रतिबद्धता व्यक्त गरेको छ ।