बर्दिवास,महोत्तरी |
२०८२ साउन १२

जन्मदिन भनेपछि हामी केक काट्ने र भोज गर्दै खुशी हुने सुखद पलका रुपमा मनाउँने उत्सव ठान्छौँ । तर बर्दिवास ३ गौरीडाँडाका होटल ब्यबसायी मिन बहादुर थापा (बिनोद) एक त्यस्ता उदाहरणिय पात्र हुन् जसले सामाजिक काम गरेरै वर्षौदेखि गुमनाम जन्मदिनको खुशी बटुलिरहेका छन् ।

मानिसहरू जन्मदिनमा आत्मकेन्द्रित भएर खानपिन र उपहारमा रमाउँछन् । होटल व्यवसायी थापाले भने आफ्नो र परीवारका सदस्यको जन्मदिन समाजसेवामा समर्पित गरेर अनुकरणीय उदाहरण प्रस्तुत गर्दै आएका छन् ।

Oplus_131072

बुबा कोमल बहादुर थापा र आमा गंगादेवी थापाको कोखबाट जन्मिएका थापाले साउन ११ गते आइतबार परेको आफ्नो जन्मदिन मनाउन विभिन्न सामाजिक काम गरे । तर सहयोग पाएका संस्थाले (सामाजिक संजालमा) धन्यवाद ब्यक्त गरेपछि मात्रै उनको जन्मदिन धेरैले थाहा पाए । सामाजिक काम गरेर गुमनाम खुशी बटुल्ने उनको कर्मप्रती खुशी हुने र सुखानुभुती ब्यक्त नगर्ने सायदै कोहि होलान् !

उनले आइतबार आमा गंगालाई अघि लगाएर सरस्वती माध्यमिक विद्यालय कालापानीका ११ जना बिद्यार्थीहरूलाई शैक्षिक सामग्री प्रदान गरे । शिक्षा नै समाजको मेरुदण्ड हो भन्ने उनको बुझाइलाई उनको कर्मले झल्काउँछ । बालबालिकाको अनुहारमा खुशी देख्नु नै जन्मदिनको ठूलो उपहार भन्दै उनले शिक्षामा सघाउले आफ्नो जिम्मेवारी भएकाले शिक्षामै सहयोग गरेको र सधैं सहयोग गरिराख्ने प्रतिबद्धता समेत जननएका छन् ।

प्रत्येक बिद्यार्थीलाई उनले स्कुल झोला, कपी, १ दर्जन डटपेन, पेन्सिल र जोमेट्री बक्स सहयोग गरेका छन् ।
त्यस्तै उनले नेपाल रेडक्रस सोसाइटी बर्दिवास शाखालाई पनि गर्मी मौसमलाई मध्यनजर गर्दै १५ कार्टुन पानी र ५ कार्टुन फ्रुटी सहयोग स्वरूप हस्तान्तरण गरेका छन्।

थापा बर्दिवास ३ गौरीडाँडा स्थित तुलसा गार्डेन एण्ड खुकुरी होटलका संचालक हुन् । उनको मात्रै हैन,परिवाका सदस्यहरु श्रीमती कविता, छोरा आयुष र छोरी तुलसाको जन्मदिनमा समेत थापा यसैगरी सहयोग लिएर विभिन्न ठाउँमा पुग्नेगरेका छन् ।
होटल व्यवसायी भए पनि थापा समाजसेवामा उत्तिकै अग्रसर छन् । थापाको यो कदमले युवापुस्तामा सकारात्मक सन्देश दिएको छ। रेडक्रस बर्दिवास शाखा र सरस्वती मावि कालापानी बिधालयले पनि थापाको योगदानप्रति आभार प्रकट गर्दै उनलाई धन्यवाद ज्ञापन गरेको छ।