आइतबार : जेष्ठ ११
मधेस प्रदेशको पर्यटन प्रवर्द्धन तथा लगानी आकर्षण उद्देश्यसहित सुरु गरिएको ‘घुमौं मधेस, बुझौं मधेस’ अभियान शनिबार बीरगन्जको भिस्वा होटलमा सम्पन्न भयो ।

नेपाल होटल तथा पर्यटन व्यवसायी महासंघ, मधेस प्रदेश अध्यक्ष हिरालाल गौतमको अध्यक्षता र मन्त्री बसन्त कुशवाहाको प्रमुख आतिथ्यमा सम्पन्न कार्यक्रम सात जिल्लामा सञ्चालन भइसकेको छ ।

मन्त्री कुशवाहाले १ लाख रोजगारी सिर्जना गर्ने लक्ष्यसहित कृषि, उद्योग र पर्यटनलाई प्राथमिकता दिइएको बताए । उनले मधेसको पर्यटकीय सम्भावनालाई प्रवर्द्धन गर्न खेलकुद र सांस्कृतिक कार्यक्रम उपयोगी हुने धारणा राखे ।

कार्यक्रममा प्रमुख जिल्ला अधिकारी गणेश अर्याल, पत्रकार महासंघ अध्यक्ष श्याम बञ्जारा, उद्योग वाणिज्य संघ अध्यक्ष हरि गौतम, होटल व्यवसायी हरि पन्तलगायतको उपस्थिति थियो ।

मधेश विश्वविद्यालय उपकुलपति डा. दीपक शाक्य, प्रहरी अधिकारीहरू, पत्रकार तथा होटल व्यवसायीहरूको सक्रिय सहभागिता रहेको थियो ।