बर्दिवास, महोत्तरी – ५ जेष्ठ ।

समाजसेवामा सदैव सक्रिय रहँदै आएका ॐ समाज डेन्टल हस्पिटलका अध्यक्ष डा. शुभाष घिमिरेले सामाजिक उत्तरदायित्वअन्तर्गत फेरि एक प्रेरणादायी कार्यको घोषणा गरेका छन् । आफ्नो पारिवारिक टोलीको उपस्थितिमा डा. घिमिरेले ‘हाम्रो मायाघर’ निर्माणका लागि एक कोठे पक्की भवन निर्माण गर्न रू. ७,५०,००० (सात लाख पचास हजार) बराबरको आर्थिक सहयोग उपलब्ध गराउने घोषणा गरेका हुन् ।

शालीनता, भद्रता र कर्मठ कार्यशैलीका लागि परिचित डा. घिमिरेको यस सहयोगले स्थानीय समुदायमा सकारात्मक सन्देश प्रवाह गर्नुका साथै समाजप्रतिको गहिरो उत्तरदायित्वबोध पनि दर्शाएको छ ।

समाजिक सेवामा निरन्तर सक्रिय रहेका डा. घिमिरेको यो योगदानले अरूलाई पनि यस्ता कार्यमा प्रेरणा दिने विश्वास लिइएको छ ।