युवाहरुलाई एकीकृत गर्न दुई वर्ष अगाडि दर्ता भएको सवैको लागि हामी संस्थाले कृष्ण देवकोटालाई सम्मान गरेको छ ।

संस्थाको दोश्रो साधारणसभाको अवसरमा `बर्दिवास बर्ष व्यक्तिकोरुपमा समाजिक क्षेत्रमा उल्लेखनीय योगदान पुर्‍याएबापत देवकोटालाई सम्मान गरेको हो ।

दर्ता भएको पारम्भिक चरणमा नै नगर क्षेत्रका युवाहरुलाई एकीकृत गरि शिक्षा, स्वास्थ्य तथा दुर्व्यसनीका क्षेत्रमा काम गर्दै आएको संस्थाले देवकोटालाई सम्मान गरेसगैँ `बर्दिवास बर्ष व्यक्ती´ सम्मानको औपचारिक पारम्भ भएको छ ।

साधारणसभाको उदघाटनसत्रमा प्रमुख अथितिकोरुपमा सहभागी भएका पुर्व शिक्षा, विज्ञान तथा प्रबिधी मन्त्री गिरिराजमणि पोखरेलले देवकोटाको सम्मानले संस्थाको परिपक्वता र निर्णायक क्षमतालाई प्रमाणित गरेको धारणा राखे ।
युवाहरुले नै विकासको लागि खवरदारी गर्नुपर्ने वताउदै पुर्वमन्त्री पोखरेलले नाता सम्बन्ध, डर, धम्कीको प्रवाह नगरी प्रतिवाद गर्नुपर्ने सुझाए ।

मधेश मरुभूमिकरण तर्फ अग्रसर भएको र यस्को लागि हरित अभियानमा समेत तन्नेरीले नै कार्ययोजना वनाउनु पर्ने नेता पोखरेलको भनाई छ ।
सनिवार बर्दिवासको एक होटलमा भएको कार्यक्रममा उधोग बाणिज्य संघ बर्दिवासका अध्यक्ष बिष्णु खडकाले बर्दिवास धार्मिक, सास्कृतिक र पुरातात्त्विक हिसावले उर्वर रहेको वताउदै यसतर्फ पनि तन्नेरीहरुले ध्यान दिनुपर्ने सुझाए ।

पर्यटकीय हिसावले उर्वर रहेको बर्दिवासलाई मधेश कै हव वनाउन सकिने आधारहरु भएतापनी सरोकारवाला निकायले नै ध्यान दिन नसकेको अध्यक्ष खडकाले गुनासो गरेका छन ।