चट संवाददाता
बर्दिवासका ब्यबसायी तथा समाजसेवी कुमार भण्डारी उत्कृष्ट करदाताका रुपमा सम्मानित भएका छन् । १२ औं राष्ट्रिय कर दिवसको अवसरमा आन्तरिक राजस्व कार्यालय जनकपुरले भण्डारीलाइ सम्मान गरेको हो ।
भण्डारीले बर्दिवासमा संचालन गरेको रक्षा टेडर्स एण्ड सप्लायर्स मार्फत महोत्तरी जिल्लाबाटै सबैभन्दा बढी राज्यालाइ आयकर दाखिला गरेको भन्दै राजस्व कार्यालयले भण्डारीलाई सम्मान गरेको छ ।

१५ वर्ष अघि २५ हजार बाट ब्यापार सुरु गरेका भण्डारीले अहिले आफ्नो ब्यबसायबाट ४५ करोडको ब्यापार गर्न सफल भएको बताए । सिमेन्ट, छ्ड लगायत हार्डवेयरका सामानहरु अहिले मधेस प्रदेश सहित बाहिरी जिल्लामा समेत सप्लाइ गरीरहेको उनले बताए ।
आफ्नो ब्यबसायबाट इमान्दारीतापुर्वक राज्यलाई तिरेको आयकर आफ्नै समाज र देश बिकासमा खर्च होस भन्ने अपेक्षा रहेको भण्डारीले बताए । भण्डारीले ब्यबसायबाट आर्जन भएको मुनाफाबाट विभिन्न सामाजिक क्षेत्रमा समेत लगानी गर्दै आएका छन् ।