सुनिता बराल
महोत्तरी
महोत्तरीको बर्दिवासमा भएको दुइ दिवसिय मधेस प्रदेश स्तरीय तक्वान्दो प्रतियोगितामा क्रिएटिभ तेक्वान्दो डोजाङ महोत्तरी प्रथम भएको छ । मधेस प्रदेशका अन्य ११ वटा डोजाङलाई पछि पार्दै क्रिएटिभ डोजाङले १२ वटा गोल्ड मेडल सहित प्रथम, १० वटा सिल्भर मेडल सहित दोश्रो र १४ वटा कास्य पदक सहित तेश्रो भएपछि क्रियटिभ डोजाङ प्रतियोगिताको विजेता भएको निर्णायक मण्डलले जनाएको छ । प्रतियोगितामा प्रिया तेक्वान्दो डोजाङ जनकपुर द्धितिय र श्री जनज्योती आधारभुत तेक्वान्दो डोजाङ बारा तृतिय भएको प्रतियोगिता आयोजक समितिका संयोजक तथा क्रिएटिभ डोजाङ बर्दिवासका संस्थापक छेवाङ दोर्जे मोक्तानले जानकारी दिए ।
प्रिया तेक्वान्दो डोजाङ धनुषा ६ वटा गोल्ड मेडल सहित प्रथम,२ सिल्भर मेडल सहित द्धितिय र ४ कास्य पदक सहित प्रतियोगितमा दोश्रो भएको छ भने तृतिय हुने जनज्योती डोजाङका ३ खेलाडि प्रथम,५ खेलाडि द्धितिय र ३ खेलाडि तृतिय भएसंगै जनज्योती खेलको तृतिय स्थानमा आएको आयोजक समितिले जनाएको छ । प्रतियोगितका विजेता खेलाडिले सिल्ड सहित प्रमाणपत्र र मेडल पाएका छन् ।

शुक्रबारबाट सुरु भएको प्र्रतियोगिता शनिवार सा“झ सम्पन्न भएको हो । पुरुष तर्फ बाराका १४ वर्षका अश्विन लामा प्रतियोगिताको वेस्ट पुम्से घोषित भएका छन् भने महिला तर्फ वेस्ट पुम्सेमा बर्दिवास क्रिएटिभ डोजाङकी ८ वर्षकी खेलाडि परिनिती चोप्रा घोषित भएकि छिन् ।
त्यस्तै प्रतियोगितामा धनुषाका १० वर्षका अंकित राई र महिलातर्फ महोत्तरीकी ८ वर्षिया आलिया मगर वेस्ट फाइटर घोषित भएका छन् ।
मधेस प्रदेशका धनुषा,महोत्तरी,सर्लाही,बारा,पर्सा र सिराहा गरि ६ जिल्लाका ६ वर्षदेखि २० वर्षसम्मका २ सय खेलाडिले प्रतियोगितामा भाग लिएका थिए । खेलमा भक्तपुरका सुमन कपालीलाई बेस्ट रेफ्री र सिराहाका रामवरण यादवलाई बेस्ट कोच घाषित भएको आयोजक समितिले जनाएको छ । खेलको मुल्याङ्कन समुहमा राष्ट्रिए कोच तिलक लामा,बरिष्ठ कोच विजय साह ठकुरी,इन्टरनेशनल रेफ्री जीत सिंङ लामा,नेपाल तेक्वान्दो संघका मधेस प्रदेश अध्यक्ष पेमा सिद्धि लामा र तेक्वान्दो संघ मधेस प्रदेशका महासचिव राजकुमार लामा थिए ।

मधेस प्रदेशमा तेक्वान्दो खेल्ने खेलाडिको रुचि र क्षमता बढेको भन्दै यस्ता प्रतियोगिता आवश्यक भएको र प्रतियोगितामा खेलाडिले उकृष्ट खेल प्रर्दशन गरेका नेपाल तेक्वान्दो संघका महासचिव दिप राज गुरुङले बताए । नेपालका राष्ट्रिय तथा अन्तराष्ट्रिय तेक्वान्दो खेलका खेलाडि तथा कोचहरुको उपस्थितीमा सम्पन्न दुई दिवसिय खेल बर्दिवासको बर्दिवास बोर्डिङ स्कुलको प्राङगणमा सम्पन्न भएको छ । प्रतियोगितमा अन्तराष्ट्रिय तेक्वान्दो खेलका निर्णयक तारजन लिम्बु र राष्ट्रिय प्रशिक्षक कविराज खड्कीको पनि उपस्थिती थियो ।

क्रिएटिभ तेक्वान्दो डोजाङ बर्दिवासको पहल र अग्रसरतामा भएको खेलमा सुस्वानी मार्केटिङले प्रायोजन गरेको र खेल सम्पन्न गराउ“न २ लाख माथीको रकम खर्च भएको आयोजक समितिले जनाएको छ । राष्ट्रिय तथा अन्तराष्ट्रिय स्तरमा मधेस प्रदेशका खेलाडि उत्पादन गरि प्रतिष्पर्धामा उतार्ने र मधेस प्रदेश तेक्वान्दोमा अब्बल भएको सावित गराउ“न प्रतियोगिताले मद्धत गर्ने भन्दै प्रतियोगिता आयोजना गरिएको क्रिएटिभ डोजाङका संस्थापक तथा आयाृृेजक समितिका संयोजक छेवाङले बताए ।
बर्दिवास नगरपालिकाका मेयर प्रल्हाद कुमार क्षेत्रीले मधेस प्रदेश स्तरिय खेल बर्दिवासमा आयोजना गरेकोमा आयोजकलाई धन्यवाद दिदै नगरको तर्फबाट खेलाडि र आयोजकका लागि नगरले गर्न सक्ने सहयोग गर्ने बताए ।