टच संवाददाता
एकिकृत बचत तथा ऋण सहकारी संस्था बर्दिवासले आफ्नो तेश्रो वार्षिकोत्सव रक्तदान र विद्यालयलाई सामाग्रि वितरण गरि मनाएको छ । बर्दिवास चोकमा रक्तदान र बर्दिवास ३ स्थित भप्सिको एक सामुदायिक विद्यालयलाई सामाग्री हस्तानातरण गर्दै संस्थाले वार्षिकोत्सव मनाएको संस्थाका अध्यक्ष उत्तम कुमार श्रेष्ठले जानकारी दिए ।
बर्दिवास ३ स्थित राष्ट्रिय आधारभुत विद्यालयलाई गर्मि यामको समय भएकाले ४ थान सिलिङ पंखा,२ थान वाल पंखा प्रदान गरिएको संस्थाका व्यवस्थापक पूर्ण प्रसाद सुवेदिले जानकारी दिए ।
वार्षिकोत्सवकै उपलक्ष्यमा बर्दिवासको होटल नमोवुद्ध अगाडि गरिएको रक्तदानमा ४० जनाले रगतदान गरेका छन् ।
नेपाल रेडक्रस सोसाईटि बर्दिवास शाखाको प्राविधिक सहयोगमा भएको रक्तदान कार्यक्रममा बर्दिवास उद्योग वाणिज्य संघ बर्दिवासका अध्यक्ष विष्णु खड्का,उद्योगी,व्यवसायी,सहकारीका सेयर सदस्य,कर्मचारी,पत्रकार लगायतको उपस्थिती थियो । “रगतदान, जीवनदान” भन्दै बर्दिवासकै उद्योगी व्यवसायी तथा संस्थाका कर्मचारी र सेयर सदस्यहरु रक्तदानमा सहभागी भएका थिए ।