टच संवाददाता
महोत्तरीको रामगोपालपुर १स्थित बसबिट्टिमा गोलि चलेको छ । मंगलबार साँझ ५स्४५ बजे ३ राउण्ड गोलि चलेको प्रहरीले जनाएको छ । गोलि चलाउने रामगोपालपुर १ का ३८ वर्षिय कौशल मण्डललाई पत्राउ गरिएको जिल्ला प्रहरी कार्यालय महोत्तरीका प्रहरी डिएसपी दिलिप कुमार गिरिले जानकारी दिए ।

मण्डलले चलाएको गोलि लागि सोही ठाउँका ४४ वर्षका श्रवण यादव घाइते भएका छन् । यादवलाई चिउडो र दाइने कुममा दुई राउन्ड गोलि लागेको प्रहरीले जनाएको छ । घाईते यादवलाई पर्सा देवार्ड स्थित रामजानकी अस्पतालमा सामन्य उपचारपछि थप उपचारका लागि जनकपुर रेफर गरिएको डिएसपी गिरिले जानकारी दिए ।

घरमै बनाएको कटुवा पेस्तोल, गोलि र खोका सहित मण्डललाई प्रहरीले नियन्त्रणमा लिएर घटना बारे थप अनुसन्धान अघि बढाएको गिरिले बताए । अहिले के कति कारणले गोलि चलेको खुलिनसकेको जिल्ला प्रहरी कार्यालय महोत्तरीले जनाएको छ ।