कल्पना राई
महोत्तरी
हात्तिपाइले विरुद्धको आम औषधि अभियान विहिबारबाट सुरु भएको छ । फागुन २५ गतेसम्म चल्ने अभियानमा १५ जिल्लावासीलाई औषधि सेवन गराउ“ने सन् २०३० सम्म हात्तिपाइले रोग निवारण गर्ने सरकारले लक्ष्य लिएको छ ।
मधेस प्रदेशका धनुषा,महोत्तरी,सर्लाहि,रौतहट र बारा सहित अन्य १० जिल्लामा अभियान चल्ने नेपाल सरकारले जनाएको छ । आम औषधि सेवन अभियान अन्र्तगत तालिम प्राप्त स्वास्थ्यकर्मि जिल्लाका विभिन्न ठाउ“मा खटाइएको जिल्ला स्वास्थ्य कार्यालय महोत्तरीका प्रमुख भोला यादवले जानकारी दिए ।
वडा कार्यालय,स्वास्थ्य संस्था,सामुदायिक भवन,विद्यालय,सरकारी तथा धार्मिकस्थल लगायत विभिन्न ठाउ“मा बुथ राखेरै औषधि सेवन गराईने स्वास्थ्य कार्यालयले जनाएको छ ।

व्यक्तिको उचाईका आधारमा २ वर्ष माथिका उमेर समुहका सबैलाई हात्तिपाइले रोगको वी चेरीया ब्रेनकफटि नामको परजिवी विरुद्ध आइभर मेक्टिन,विइसी र एल्वन्डाजेल औषधि सेवन गराईने जनस्वास्थ्य अधिकृत आकाश अजयले बताए ।
प्रत्यक पालिका स्तरमा स्वास्थ्यकर्मिलाई तालिम दिई औषधि वितरणमा खटाइएको हात्तिपाईले विरुद्धको अभियानका महोत्तरी फोकल पर्सन हरिनारायण महतोले बताए । बसै पालिका,वडा र टोल स्तरमा औषधि सेवन सुरु भएको उनले बताए । पछिल्लो समय हात्तीपाइलेका बिरामी एक प्रतिशन भन्दा बढि देखिएका जिल्लाहरुमा सरकारले यो अभियान संचालन गरेको हो ।
कोहि नछुटुन भनेर टोल टोलमा अभियान संचालन गर्दै औषधि सेवनमा खटिएको बर्दिवासकी स्वास्थ्यकर्मि चा“दनी यादवले बताईन् । पहिले चोकचोकमा सचेतना फैलाईसकेको र अब औषधि बोकेरै टोलटोलमा जान थालिएको उनले बताईन् ।